CHHATRAPATI SHIVAJI MAHARAJ AUTOBIOGRAPHY IN MARATHI

🚩छत्रपति शिवाजी महाराज यांची जीवन कहानी..🚩

  छत्रपति शिवाजी महाराज यांचा जन्म 19 फेब्रुवारी 1630 रोजी जुन्नर जवळील शिवनेरी किल्ल्यावर झाला. शिवाई देवीच्या नावावरून महाराजांचे नाव शिवाजी असे ठेवण्यात आले.महाराजांची पहिली गुरु या जिजाऊमाता आणि दुसरे गुरु दादाजी कोंडदेव यांच्या देखरेखीखाली आणि संस्कारांमध्ये महाराज मोठे झाले. दादाजीकोंडदेव यांच्या मार्गदर्शनाखाली शिवाजी महाराज युद्धकौशल्यात आणि नीतिशास्त्रात तरबेज झाले. जिजाऊ मातेच्या संस्कारां खाली शूरवीरांच्या गोष्टी ऐकून महाराज मोठे झाले.

वयाच्या अवघ्या चौदाव्या वर्षी महाराजांनी रायरेश्वराच्या मंदिरात आपल्या मूठभर मावळ्यांच्या साक्षीने स्वराज्य स्थापनेची शपथ घेतली..

स्वराज्य स्थापन करण्यासाठी गड-किल्ल्यांचे असलेले महत्व महाराजांना माहीत होते त्यामुळेच वयाच्या पंधराव्या वर्षी महाराजांनी तोरणा किल्ल्यावर विजय प्राप्त केला. 

म्हणतात ना,

"कोशिश करने वालों की कभी हार नही होती"

असेच हळूहळू महाराजांनी तोरणा नंतर कोंढाणा, ठाणे, कल्याण , भिवंडी, अशा अनेक किल्ल्यांवर विजय प्राप्त केला.

महाराजांच्या स्वराज्यात प्रामुख्याने शिवनेरी, प्रतापगड ,तोरणा ,पन्हाळा रायगड, सिंधुदुर्ग , विजय दुर्ग पुरंदर आणि सिंहगड यांसारख्या अनेक किल्ल्यांचा समावेश होता.

 शिवाजीमहाराज जनतेच्या मनात आपुलकी निर्माण करू शकले यातच त्यांचं वेगळेपण सामावलेलं होतं.

शिवाजी महाराज स्वतः रयतेची विचारपूस करत,त्यामुळे राजाकडे आणि राजाच्या कार्याकडे बघण्याचा रयतेचा दृष्टिकोन बदलला होता. शिवाजी महाराजांच्या मनात स्त्रीयांबद्दल खूप आदर होता, त्या काळातील रांझ्याच्या पाटलाची गोष्ट प्रसिद्ध आहे, गावच्या पाटलाने एका शेतकर्याच्या मुलीला सर्वांसमक्ष उचलून नेले व तिची अब्रू लुटली . शिवाजी महाराजांच्या कानी ही गोष्ट आली तेव्हा त्यांनी पाटलाच्या मुसक्या बांधून त्याला पुण्याला आणायला लावले व हात-पाय तोडायची शिक्षा झाली व ती अमलात पण आणली.शिवाजी महाराजांनी नेहमी रयतेच्या रक्षणासाठी प्रयत्न केले.

"स्त्रीयांचा आदर केला पाहिजे मग ती कुणीही असो ",अशी शिवाजी महाराजांची भूमिका होती.

कल्याणच्या सुभेदाराची सून दरबारात हजर केल्यानंतर तिच्यासंबंधी गैरउद्गार न काढता ,गैरव्यवहार न करता,तिची चोळी बांगडी करून पाठवणी करायची आपली संस्कृती महाराजांनी जपली होती.

शिवाजी महाराज हे हिंदू होते, शिवाय ते महाराष्ट्रात जन्माला आले .त्यामुले महाराष्टीय हिंदूंना शिवाजी महाराजांबद्दल अभिमान वाटतो ,वाटायलाच पाहिजे त्यात गैर काही नाही.पण शिवाजी महाराजांच्या मनात इतर धर्माबद्दलही नेहमी आदर होता,हे आपण लक्षात घेतले पाहिजे. 

शिवाजी महाराजांच्या सैन्यात अनेक मुसलमान सरदार होते, शिवाजी महाराजांच्या तोफखान्याचा प्रमुख एक मुसलमान होता.शिवाजी महाराजांचा सैनिकांवर व सैनिकांचा महाराजांवर विश्वास होता.

शिवाजी महाराज शेतकऱ्यांचा आदर करत. ज्या मावळ्यांच्या बलिदानानेआणि त्यागावर शिवाजी महाराज स्वराज्य उभं करू शकले ते मावळे शेतकरीच होते.

      शिवाजी महाराज आणि अफजल खानाची भेट,औरंगजेबाच्या व्यवसायिक केंद्रावर आक्रमण,मिठाईच्या पेटार्‍यातून सुटका .यांसारख्या घटना आपल्याला माहीतच आहे.

    नंतर 6 जून 1674 ला गागाभट्ट यांनी हिंदू परंपरेनुसार सर्व ज्येष्ठ व्यक्तींच्या उपस्थितीत रायगड किल्ल्यावर महाराजांचा राज्याभिषेक केला. शिवाजी महाराज हे एक उत्तम राजा होते त्यांनी मराठा साम्राज्याची स्थापना केली. 

    पुढे 3 एप्रिल 1680 मध्ये प्रकृती अस्वास्थ्यामुळे महाराजांची तब्येत खालावत गेली. आणि रायगडावर त्यांचे निधन झाले.

शिवाजी महाराज त्यांच्या कार्यामुळे आजही सर्वांच्या मनात ,विचारांत जिवंत आहे.

शिवाजी महाराजांना माझा मानाचा मुजरा.....

🚩🚩हर हर महादेव.🚩🚩